काठमाडौँ । कुमारी बैंकको नाफामा उछाल आएको छ । बैंकले प्रकाशित गरेको गत आर्थिक वर्षको चौथो त्रैमाससम्मको अपरिस्कृत वित्तीय विवरण अनुसार बैंकको खुद नाफा ४५ हजार ८ सय २९ प्रतिशतले बढेको देखिएको छ ।

समीक्षा अवधिमा बैंकले २ अर्ब ११ करोड रुपैयाँ खुद नाफा कमाएको छ । जबकी अघिल्लो आर्थिक वर्षको सोही अवधिमा बैंकको खुद नाफा ४६ लाख रुपैयाँ मात्र थियो ।

समीक्षा अवधिमा बैंकको खुद ब्याज आम्दानी ६.९५ प्रतिशतले बढेको छ भने खुद फि तथा कमिसन आम्दानी २७.४४ प्रतिशतले बढेको छ । त्यस्तै, बैंकको कुल सञ्चालन आम्दानी पनि १०.९८ प्रतिशतले बढेको छ ।

नाफासँगै बैंकको प्रतिसेयर आम्दानी (ईपीएस) पनि उल्लेख्य बढेको छ । समीक्षा अवधिमा बैंकको ईपीएस २ पैसाबाट बढेर ८ रुपैयाँ ७ पैसा पुगेको छ । यस अवधिमा बैंकको प्रतिसेयर नेटवर्थ १४२ रुपैयाँ १९ पैसा छ ।