काठमाडौँ । कुथेली बुखरी स्मल हाइड्रोपावरको नाफा घटेको छ । खर्च ह्वात्तै बढेपछि कम्पनीको नाफा ४३.२८ प्रतिशतले घटेको हो ।
कम्पनीले प्रकाशित गरेको गत आर्थिक वर्षको चौथो त्रैमाससम्मको अपरिस्कृत वित्तीय विवरण अनुसार कम्पनीले असार मसान्तसम्म कुल ८९ लाख ३८ हजार रुपैयाँ खुद नाफा कमाएको छ । जबकी कम्पनीले अघिल्लो आर्थिक वर्षको सोही अवधिमा १ करोड ५७ लाख रुपैयाँ खुद नाफा कमाएको थियो ।
यस अवधिमा कम्पनीको विद्युत बिक्री आम्दानी ७.८० प्रतिशतले घटेर ३ करोड ११ लाख रुपैयाँमा झरेको छ । कम्पनीको कुल नाफा ६.०३ प्रतिशतले घटेको छ भने सञ्चालन नाफा पनि ३.९९ प्रतिशतले घटेको छ ।
समीक्षा अवधिमा कम्पनीको ह्रासकट्टी खर्च भने समीक्षा अवधिमा ३२४.८२ प्रतिशत बढेको छ । विद्युत बिक्री आम्दानी घट्दा र खर्च बढेपछि कम्पनीको नाफा घटेको हो । ।
नाफासँगै समीक्षा अवधिमा कम्पनीको प्रतिसेयर आम्दानी (ईपीएस) पनि घटेको छ । यस अवधिमा कम्पनीको ईपीएस ६ रुपैयाँ २६ पैसाले घटेर ६ रुपैयाँ ६७ पैसामा झरेको छ । यस अवधिमा कम्पनीको प्रतिसेयर नेटवर्थ १३६ रुपैयाँ ७२ पैसा र मूल्य आम्दानी अनुपात २८६.४६ गुणा रहेको छ । १३ करोड ४० लाख रुपैयाँ चुक्ता पूँजी रहेको यस कम्पनीको जगेडा कोषमा ४ करोड ९२ लाख रुपैयाँ सञ्चित छ ।
