काठमाडौँ । लक्ष्मी सनराइज बैंकले ऋण नतिर्ने ऋणीहरुलाई ऋण तिर्न ३५ दिने अल्टिमेटम दिएको छ । ऋण चुक्ता गराउनेबारे सार्वजनिक सूचना जारी गर्दै बैंकले ऋण तिर्न ३५ दिनको म्याद दिएको हो ।
बैंकबाट ऋण लिएर समयमा बक्यौता भुक्तानी नगर्ने र पटक पटक लिखित/मौखिम ताकेता गर्दा समेत ऋण तिर्न चासो नदेखाएपछि ३५ दिने सूचना नै सार्वजनिक गरिएको बैंकले जनाएको छ ।
सोही सूचनामार्फत बैंकले किस्ता अनियमित भएका वा ऋण चुक्ता गर्न बाँकी रहेका ऋणीलाई ३५ दिनभित्र बैंकमा बुझाउनुपर्ने साँवा, ब्याज, हर्जाना र अन्य दस्तुर बुझाउन भनेको छ । सो अवधिमा पनि ऋण चुक्ता नगरे त्यस्ता ऋणीलाई कालोसूचीमा राख्नुका साथै धितो र हकलाग्ने परिवारका सदस्यको जायजेथाबाट समेत कर्जा असुल गर्ने बैंकले चेतावनी दिएको छ ।
