काठमाडौं । मिड सोलु हाइड्रोपावरले आफ्ना सेयरधनीलाई लाभांश दिने घोषणा गरेको छ । कम्पनीले गत आर्थिक वर्षको मुनाफाबाट सेयरधनीलाई १५.७८९ प्रतिशत लाभांश दिने घोषणा गरेको हो ।
हाइड्रोपावरको भदौ १२ गते बिहीबार बसेको सञ्चालक समिति बैठकले १५ प्रतिशत बोनस सेयर र कर प्रयोजनका लागि ०.७८९ प्रतिशत नगद लाभांश वितरण गर्ने निर्णय गरेको छ ।
उक्त प्रस्तावित लाभांश कम्पनीको आगामी साधारणसभाबाट अनुमोदन भएपछि मात्र सेयरधनीलाई वितरण हुने कम्पनीले जनाएको छ ।
हाल कम्पनीको चुक्ता पूँजी ७४ करोड ८४ लाख रुपैयाँ छ ।
