काठमाडौँ । ‘नेपाल मोबिलिटी एक्स्पो २०२५’ सुरु भएको छ । काठमाडौँको भृकुटीमण्डपमा एक्पो सुरु भएको हो । एक्सपोको अर्थमन्त्री विष्णु पौडेलले उद्घाटन गरेका छन् ।
आज (साउन २१) गतेदेखि सुरु भएको एक्स्पो साउन २५ गतेसम्म चल्नेछ । एक्स्पोमा ५० भन्दा बढी ब्रान्ड सहभागी रहेको बताइएको छ । एक्स्पोमा ३५ वटा नयाँ सवारिसाधन पनि प्रदर्शनमा राखिएको छ ।
एक्स्पोमा गाडी मात्र नभएर नयाँ प्रविधिको समेत जानकारी र अनुभव लिन सकिने नाइमाका अध्यक्ष ऋतुसिंह वैद्यले बताइन् । एक्स्पोको उद्घाटन गर्दै अर्थमन्त्री पौडेलले एक्स्पो भव्य र व्यवस्थित रहेको बताएका छन् ।
सोही क्रममा उनले भृकुटीमण्डपमा व्यवस्थित प्रदर्शनी स्थल बनाउने प्रक्रिया सुरु समेत भइसकेको अर्थमन्त्रीले बताएका छन् । उनका अनुसार उक्त व्यवस्थित प्रदर्शनीस्थल निर्माणको काम ३ वर्षभित्र सकिनेछ । बाँकी तस्विरमा हेर्नुहोस्ः
