काठमाडौँ । भन्सार विभागका महानिर्देशक महेश भट्टराईले विद्युतीय गाडीको क्षमतामाथि प्रश्न उठिरहेको बताएका छन् । विद्युतीय गाडीको क्षमतामाथि प्रश्न उठिरहँदा नेपालमा जाँच गर्ने मेसिन नभएको उनले बताएका छन् ।
शुक्रवार सार्वजनिक लेखा समितिमा भएको बेरुजु सम्बन्धिको छलफलमा भट्टराईले इभी गाडीहरुको क्षमता जाँच्ने कार्यक्षेत्र भन्सार विभागलाई नभएको बताए ।
उनका अनुसार यातायात व्यवस्था विभाग अन्तर्गत क्षमता जाँच्न सकिने भएपनि आवश्यक मेसिनहरु नहुँदा प्रभावकारी हुन सकेको छैन । ‘अहिले विद्युतीय गाडीहरुको मोटरको क्षमतामाथि पनि प्रश्न उठेको छ । महालेखाले प्रश्न समेत उठाएको छ ।’, उनले भने, ‘हामीसँग जाँच्ने उपकरण छैन् । कार्यक्षेत्रले पनि यातायात व्यवस्था विभागलाई जिम्मेवारी दिएको छ ।’
त्यस्तै, उनले जाँचपास गर्ने मेसिन अहिलेसम्म नभएको र एसेम्बल गर्ने गाडीमा दिइएको छुटका कारणले पनि प्रत्येक वर्ष बेरुजु बढेको बताएका छन् । अहिले भन्सार विभागको बेरुजु २० अर्ब भन्दा बढी रहेको भट्टराईको भनाई छ ।
