काठमाडौँ । आरएसडिसी लघुवित्तको नाफा घटेको छ । गत आर्थिक वर्षको चौथो त्रैमाससम्ममा लघुवित्तको खुद नाफा २७.१९ प्रतिशतले घटेको हो । यस अवधिमा लघुवित्तले कुल १० करोड ३१ लाख रुपैयाँ खुद नाफा कमाएको छ । जबकी लघुवित्तले अघिल्लो आर्थिक वर्षको सोही अवधिमा १४ करोड १७ लाख रुपैयाँ खुद नाफा कमाएको थियो ।
लघुवित्तले प्रकाशित गरेको अपरिस्कृत वित्तीय विवरण अनुसार लघुवित्तको खुद ब्याज आम्दानी २२.५४ प्रतिशत र अन्य सञ्चालन आम्दानी ६९.६९ प्रतिशतले घटेको छ ।
त्यस्तै, लघुवित्तको कुल सञ्चालन आम्दानी पनि २४.५१ प्रतिशतले घटेको छ भने लघुवित्तको सञ्चालन मुनाफा पनि ४०.३९ प्रतिशतले घटेको छ । यता बैंकको वितरणयोग्य मुनाफा गत आर्थिक वर्षको चौथो त्रैमाससम्म ८ करोड ५४ लाख रुपैयाँ छ ।
समीक्षा अवधिमा लघुवित्तको खुद नाफासँगै प्रतिसेयर आम्दानी (ईपीएस) पनि घटेको छ । यस अवधिमा लघुवित्तको ईपीएस ५ रुपैयाँ ३ पैसाले घटेर ९ रुपैयाँ ९८ पैसामा झरेको छ । यस अवधिमा लघुवित्तको प्रतिसेयर नेटवर्थ १२५ रुपैयाँ ९५ पैसा छ भने मूल्य आम्दानी अनुपात ७०.२६ गुणा रहेको छ । १ अर्ब ३ करोड ४० लाख रुपैयाँ चुक्ता पूँजी रहेको यस लघुवित्तको जगेडा कोषमा २६ करोड ८३ लाख रुपैयाँ सञ्चित छ ।
