काठमाडौँ । अण्डाको मूल्य फेरि बढेको छ । नेपाल लयर्स कुखुरा पालक संघले भदौ १२ गतेदेखि लागू हुने गरी अण्डाको मूल्य प्रतिक्रेट १५ रुपैयाँले बढाएको हो ।

योसँगै प्रतिक्रेट ठुलो अण्डा ५४५ रुपैयाँ कायम भएको छ । त्यस्तै, मिडियम अण्डा प्रतिक्रेट ५३० रुपैयाँ र सानो अण्डा प्रतिपेटी ३ हजार रुपैयाँ पुगेको छ । यो होलसेल मूल्य हो ।

उपभोक्ताका लागि अण्डाको नयाँ मूल्य प्रति गोटा २३ रुपैयाँ २ गोटाको ४५ रुपैयाँ तोकिएको छ ।

यसअघि भदौ ४ गते अण्डाको मूल्य बढाईएको थियो । १ हप्ताको अन्तरालमा अण्डाको मूल्य फेरि बढाईएको हो । भदौ ४ मा प्रतिक्रेट ठुलो अण्डा ५३० रुपैयाँ र मिडियम अण्डा ५१५ रुपैयाँ तोकिएको थियो ।