काठमाडौँ । किर्तिपुरस्थित त्रिवि क्रिकेट मैदानको प्याराफिट निर्माण तथा सिट राख्ने काम अन्तिम चरणमा पुगेको छ ।
प्यारापिट निर्माणका लागि बिकेओआई-केसीडिसी-बिजी जेभीले २०८१ फाल्गुन १९ गते सम्झौता गरेर २० गतेबाट काम निर्माणको थालनी गरेका थिए । ४३ करोड ७७ लाखमा ठेक्का लिएको सो निर्माण कम्पनीका प्रतिनिधि प्रेम पौडेलले निर्माण कार्य ९५ देखि करिब करिब १०० प्रतिशत नै सकिएको र अब सरसफाइ, रेलिङ फिटिङ्ग जस्ता काम मात्र बाँकी रहेको जानकारी दिएका छन् ।
१० हजार दर्शक क्षमताको सो मैदान पूर्वी र पश्चिम खण्ड गरी दुई खण्डमा रहेको र पूर्वी खण्डमा २२९० कुर्सी राखिएको र पश्चिम खण्डमा ७ हजार ७ सय १० कुर्सी राखिएको पौडेलले जनाएका छन् ।
फ्लडलाइड जडानका लागि २७ करोड ४० लाख रुपैयाँमा विशाण-ईश्वरी जोइन्ट भेन्चर ठेक्का लिएको छ । अहिले ६ वटा लाइटका लागि सबै पोलहरु ल्याई सकेको र केही दिन जडानको काम सुरु गरिने बताइएको छ । बाँकी तस्विरमा हेर्नुहोस्ः
