काठमाडौँ । वैदेशिक रोजगारीका लागि विभिन्न देश पठाउने भन्दै रकम ठगी गर्ने दुई जना पक्राउ परेका छन् । आकर्षक तलबको प्रलोभनमा पारेर रकम ठगी गर्ने ५५ वर्षीय रवि बोम्जन र ४८ वर्षीय फुलमाया खत्री पक्राउ परेका हुन् ।
उनीहरुलाई काठमाडौँ उपत्यका अपराध अनुसन्धान कार्यलयबाट खटिएको प्रहरी टोलीले साउन २३ गते पक्राउ गरेको हो ।
प्रहरीका अनुसार उनीहरुले अमेरिका, क्यानडा, अष्ट्रेलिया लगायतका देश पठाउने भन्दै ५१ लाख रुपैयाँ ठगी गरेका थिए । हालसम्म खुल्न आएकोमा उनीहरुले ११ जनाबाट उक्त रकम ठगेर सम्पर्क विहीन भएका थिए ।
हाल पक्राउ परेका दुवै जनालाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।
