काठमाडौँ । अफ्रिकाका दुई देशले अमेरिकाको भिसा लिन १५ हजार डलर धरौटी राख्नुपर्ने भएको छ । अमेरिकी विदेश मन्त्रालयका अनुसार मलावी र जाम्बियाका नागरिकले अमेरिकाको भिसा लिन सुरुमै १५ हजार डलर धरौटी राख्नुपर्ने भएको हो ।

टुरिस्ट र बिजनेश भिसामा अमेरिका जाने र नफर्किनेहरु बढेपछि अमेरिकाले मलावी र जाम्बियाका नागरिकलाई टुरिस्ट र बिजनेश भिसा लिँदा १५ हजार धरौटी अनिवार्य गरेको छ ।

मलावी र जाम्बियाबाहेक अन्य देशका नागरिकका लागि पनि अमेरिका भिसा लिन धरौटी अनिवार्य गर्ने तयारी गरिएको अमेरिकी विदेश मन्त्रालयले जनाएको छ । मन्त्रालयका अनुसार भ्रमणको अवधि सकिएसँगै धरौटी रकम भने फिर्ता गरिनेछ ।

यसो त अमेरिकाले जाम्बियाका ११ प्रतिशत नागरिक अवैध रुपमा अमेरिकाका बस्दै आएको भेटाएको थियो । सोही प्रवृत्तिको अन्त्यका लागि यस्तो नियम लागू गरिएको अमेरिकी विदेश मन्त्रालयले जनाएको छ  ।