काठमाडौँ । राष्ट्रिय सभा सदस्य नरबहादुर विष्टले भिजिट भिसामार्फत करिब ४० हजार नेपाली महिला कुवेतमा लगेर बेचिएको बताएका छन् । सोमबार राष्ट्रिय सभाको बैठकमा बोल्दै सांसद विष्टले यस्तो बताएका हुन् ।
उनले भिजिट भिसामार्फत कुवेत लगेर झन्डै ४० हजार महिला बेचिएकोप्रति सरकारको ध्यानाकर्षण गराएका छन् ।
भिजिट भिसामा अध्यागमन विभागको कर्मचारीलाई एक लाख बुझाउने गरेको देखिएको पनि सांसद विष्टले बताएका छन । यसरी कुवेत पुगेकाहरु अहिले एउटै घरमा बन्धकको रुपमा रहेको र उद्धारको माग गरिरहेको सांसद विष्टले बताएका छन् ।
त्यस्तै, उनले सरकार र गृह मन्त्रालयले यसबारेमा स्पष्ट पार्नुपर्ने भन्दै सदनमा सरकारको जवाफ समेत मागेका छन् ।
