काठमाडौँ । अमेरिकाले देश निकाला गरेका ३७ जना नेपाली बिहीबार (भोलि) काठमाडौँ आइपुग्ने भएका छन् । उनीहरु बुधबार नेपाल आइपुग्ने भनिए पनि प्राविधिक कारण देखाउँदै भोलिका लागि सारिएको त्रिभुवन अन्तराष्ट्रिय अध्यागमन कार्यालयले जनाएको छ । 

कार्यालयका अनुसार अमेरिकाले बिना भिसा बसिरहेका ३७ जना नेपालीलाई एकैपटक नेपाल पठाउन लागेको हो । 

उनीहरुलाई अमेरिकाले चार्टर्ड विमानमार्फत काठमाडौँ ल्याएर छोड्नेछ । यसअघि अमेरिकाले जेठ २५ गते पनि ३७ जना नेपालीलाई देश निकाला गरी नेपाल ल्याएर छोडेको थियो । हालसम्म अमेरिकाबाट देश निकाला हुने नेपालीको संख्या २ सय १५ जना पुगेको छ ।