काठमाडौँ । काठमाडौँ महानगरपालिकाका प्रमुख बालेन्द्र शाह (बालेन) ले जेनजीहरुलाई संयमित हुनु आग्रह गरेका छन् । उनले सामाजिक संजाल फेसबुकमा लेख्दै जेनजीहरुलाई संयमित हुनु आग्रह गरेका हुन् ।
यस्तो छ बालेनको फेसबुक पोस्ट:
हामीले स्पष्ट रूपमा भनेका थियौं । यो नितान्त Gen Z को आन्दोलन हो ।
प्रिय Gen Z, तपाईंहरूको हत्याराको राजीनामा आइसकेको छ । अब संयमित हुनुहोला !!देशको जनधनको क्षति भनेको तपाईं हाम्रै सम्पत्तिको क्षति हो ।तपाईं–हामी अब संयमित हुनु जरुरी छ ।अब तपाईंको पुस्ताले नै देशको नेतृत्व गर्नु पर्नेछ ।तयार रहनुहोला !साथै, सेना प्रमुखसँग वार्ता गर्न पनि तयार हुनुहोला ।
तर याद रहोस् — वार्ता गर्नु अघि संसद् विघटन भएको हुनु पर्छ ।
