काठमाडौँ । सरकारले कुलमान घिसिङलाई उर्जामन्त्री नियुक्त गरेसँगै सामाजिक सञ्जालमा बधाई दिने र कुलमानको पक्षमा बहस गर्नेहरु बढेका छन् ।

उर्जा क्षेत्रबारे राम्रो ज्ञान भएका व्यक्ति नै उर्जामन्त्री बनेको भन्दै धेरैले सरकारलाई धन्यवाद दिइरहेका छन् । अर्कोतर्फ अब उर्जा क्षेत्रमा नेपालले फड्को मार्ने भन्दै सर्वसाधारणमा खुसियाली छाएको छ ।

अहिले सामाजिक सञ्जालमा ‘अबचाहिँ देश साच्चै बन्ने भयो’ भन्दै कुलमानलाई बधाई दिइरहेका छन् । कुलमान पनि उर्जामन्त्रालयको जिम्मेवारीमा खरो उत्रिने तयारीमा छन् । उर्जामन्त्रीका रुपमा कुलमानले सोमबार (आज) सपथ ग्रहण गर्नेछन् ।

कुलमानलाई प्रधानमन्त्री सुशीला कार्की नेतृत्वको अन्तरिम सरकारले आइतबार राति उर्जामन्त्री नियुक्त गर्ने निर्णय गरेको हो ।