काठमाडौँ । जेनजीको आन्दोलनमा दुर्गा प्रसाईं पनि सहभागी हुने भएका छन् । ८ सेप्टेम्बर मिति तोकेर जेनजी पुस्ताले आह्वान गरेको आन्दोलनमा प्रसाईं पनि सहभागी हुने भएका हुन् ।
जेनजीको आन्दोलन ८ सेप्टेम्बर (भदौ २३ गते) काठमाडौँको माइतीघर मण्डला र संसद् भवन अगाडि हुनेछ ।
हाल सामाजिक सञ्जालमा उक्त आन्दोलनको व्यापक चर्चा छ । उक्त आन्दोलनको नेतृत्व नयाँ पुस्ताले लिने घोषणा गरिएको छ । आन्दोलनमा कलाकारदेखि राजनीतिक दलहरुलेसमेत समर्थन गरेका छन् ।
यो आन्दोलनमा नितान्त जेनजी अर्थात नयाँ पुस्ता सहभागी हुने भनिएको छ । सरकारले सामाजिक सञ्जालमाथि प्रतिबन्ध लगाएपछि जेनजी पुस्ताले यो आन्दोलनको घोषणा गरेका हुन् । हाल टिकटक लगायतका सामाजिक सञ्जालमा यो जेनजी आन्दोलनको चर्चा छ ।
