काठमाडौँ । माछापुच्छ्रे बैंकमा आगलागी भएको छ । बैंकको विराटचोक शाखामा आइतबार राती आगलागी भएको हो ।
बैंकको कार्यालय नजिकै रहेको बिजुलीको पोलमा आगलागी हुँदा उक्त आगो कार्यालयमा सल्किएको थियो । आगलागीबाट बैंकको प्रणाली कक्ष (सिस्टम रुम) पूर्ण रुपमा क्षतिग्रस्त भएको छ ।
आइतबार राती करिब १०ः४५ बजे लागेको आगो दमलक र स्थानीयको सहयोगमा निभाइएको थियो । आगलागीका कारण बैंकको विराटचोक शाखाको काम प्रभावित भएको छ ।
शाखाको काम मंगलबारदेखि पुनः सञ्चालनमा ल्याउनेगरी काम भइरहेको बैंकले जनाएको छ । हाल बैंकमा मेन्टिनेन्सको काम भइरहेको छ ।
