काठमाडौँ । भदौ २४ गते जेनजी आन्दोलनका क्रममा भएको तोडफोड र आगजनीबाट भाटभटेनी सुपरस्टोरमा करिब ११ अर्ब रुपैयाँ बराबरको क्षति भएको छ । भाटभटेनीका २० वटा स्टोरमा १० अर्ब ८५ करोड ६७ लाख ९८ हजार ८ सय ५४ रुपैयाँ बराबर क्षति भएको हो ।
भाटभटेनीका अनुसार बालुवाटारस्थित मुख्य स्टोरसहित १२ वटा स्टोर पूर्ण रुपमा जलेर ध्वस्त पारिएको छ । त्यस्तै, सो दिन भाटभटेनीका ९ वटा स्टोरमा तोडफोड र लुटपाट गरिएको भाटभटेनीले जनाएको छ ।
२१ वटा स्टोर जलेर पूर्ण रुपमा ध्वस्त हुँदा पनि भाटभटेनीले कुनै पनि कर्मचारीलाई कामबाट ननिकाल्ने बरु समयमा तलब र अन्य सेवासुविधासहित दशैँ बोनस पनि दिने घोषणा गरेको छ ।
भाटभटेनीका मालिक मिन बहादुर गुरुङ भाटभटेनीमा भएको क्षतिबारे प्रधानमन्त्री सुशीला कार्कीलाई ध्यानाकर्षण गराइसकेको छन् । उनले प्रधानमन्त्रीसँग राज्यलाई चाहिए आधा सम्पत्ति दिन तयार रहेको तर व्यवसाय पुनर्स्थापनाका लागि सुरक्षा दिन र सहयोग गर्न आग्रह गरेका छन् ।
