काठमाडौँ । देशभर जेनजीहरुले बालेनलाई देश बचाउन आह्वान गरेका छन् । संसद विघठन गर्नुपर्ने लगायतका माग राखेर आन्दोलन थप चर्काएका जेनजीहरुले बालेनको नेतृत्व खोजिरहेका हुन् ।

सांसदहरूको सामूहिक राजीनामा गर्नुपर्ने, गोली हान्न आदेश दिने तथा हिंसक दमनमा संलग्न उच्च अधिकारीलाई तत्काल निलम्बन गर्नुपर्ने, आफूहरूले सिफारिस गर्ने व्यक्तिको नेतृत्वमा अन्तरिम सरकार गठन र अन्तरिम सरकार अन्तर्गत छिट्टै निर्वाचन गर्नुपर्ने लगायतका माग राखेका उनीहरुले आन्दोलन सफल भए बालेनलाई प्रधानमन्त्रीको उम्मेदवार बनाउने तयारीसमेत गरेका छन् ।

सोमबारदेखि देशभर भएको आन्दोलनपछि राती कतिपय ठाउँमा मसाल जुलुससमेत निस्किएको थियो । सो जुलुसका क्रममा पनि धेरैले बालेनका पक्षमा नारा लगाएका थिए । यस्तै विदेशमा भएका शान्तिपूर्ण कार्यक्रममा पनि नेपालीहरुले बालेन शाहलाई नेतृत्वका लागि गुहारीरहेका छन् ।

सोसल मिडियामा त झन्, बालेनलाई अवको प्रधानमन्त्री बनाउनुपर्ने माग नै उठेको छ ।

जेनजीहरुको आन्दोलनमा एकै दिन १९ जना शहिद भएपछि ओली सरकारलाई दबाब परेको छ ।