काठमाडौँ । हितेन्द्रदेव शाक्यलाई जल तथा ऊर्जा आयोगमा सरुवा गरिएको छ । विद्युत प्राधिकरणबाट हटाइएका शाक्यलाई मासिक दुई लाख ९४ हजार ९२० रुपैयाँ तलव सुविधा सुनिश्चित गरेर सरकारले जल तथा ऊर्जा आयोगमा सरुवा गरेको हो ।
मन्त्रिपरिषद् बैठकले आयोगमा विशिष्ट श्रेणी पद कायम गरेर उनको सरुवा गरेको हो । अहिले शाक्यलाई सरुवा ‘निल्नु न ओकल्नु’ भएको छ ।
शाक्यको सरुवापछि प्राधिकरणको कार्यकारी निर्देशकमा पूर्वउपकार्यकारी निर्देशक मनोज सिलवाल नियुक्त भएका छन् ।
गत ११ चैतको मन्त्रिपरिषद् बैठकले शाक्यलाई प्राधिकरणको कार्यकारी निर्देशक नियुक्त गरेको थियो । तत्कालीन कार्यकारी निर्देशक कुलमान घिसिङलाई हटाएर नियुक्ति भएकाले सुरुवातदेखि शाक्य विवादमा थिए ।
