काठमाडौँ । पूर्वप्रधानमन्त्री केपी शर्मा ओली अहिले पनि शिवपुरीको सैनिक तालिम केन्द्रमा छन् । जेनजी आन्दोलनले उग्र रुप लिएपछि सुरक्षाका लागि भन्दै शिवपुरी पुगेका ओली अहिले पनि त्यहीँ बसेको पाइएको हो ।

उनीसँगै सुरक्षाका लागि शिवपुरी पुगेका माओवादी केन्द्रका अध्यक्ष पुष्पकमल दाहाल (प्रचण्ड), एकीकृत समाजवादीका अध्यक्ष माधवकुमार नेपाल भने फर्किसकेका छन् ।

शिवपुरीबाट ओली नफर्किएपछि सामाजिक सञ्जालमा ओलीले डेरा खोजिरहेको भन्दै चर्चा सुरु भएको छ । जेनजी आन्दोलनका क्रममा बालकोटस्थित निवास जलेर पूर्ण रुपमा ध्वस्त भएपछि उनले बस्नका लागि डेरा खोजिरहेको चर्चा चलेको हो । 

यतिसम्म कि उनले सरकारलाई डेरा खोजिदिन आग्रह गरेको चर्चा पनि अहिले सामाजिक सञ्जालमा चलेको छ ।