काठमाडौँ । अध्यागमन विभाग दशैँभर खुल्ने भएको छ । विभागको सेवा दशैँको टिकाको दिनबाहेक अरु सबै दिन खुला रहनेछ ।

दशैँको सार्वजनिक बिदाको दिन पनि विभागले सेवा जारी राख्ने जनाएको छ । तर, टिकाको दिन (असोज १६ गते) भने सेवा बन्द रहनेछ । 

यसो त फूलपातीको दिनदेखि नै सरकारी कार्यालयहरुमा सार्वजनिक बिदा दिने गरिन्छ तर अध्यागमन विभागमा टिकाको दिनबाहेक अरु सबै दिनमा पर्यटक भिसा र एजेन्सी शाखा खुला रहने विभागको भनाई छ 

विभागका अनुसार सार्वजनिक बिदाको दिन पनि बिहान ११ बजेदेखि १ बजेसम्म पर्यटक भिसा र एजेन्सी शाखाबाट प्रदान गरिने सेवा सञ्चालन हुनेछ ।