काठमाडौँ । पूर्वप्रधानमन्त्री केपी शर्मा ओलीले जेनजी आन्दोलनमा प्रदर्शनकारीलाई ताकीताकी गोली हान्ने आदेश नदिएको बताएका छन् । असोज ३ गते (शुक्रबार) संविधान दिवसको शुभकामना दिँदै ओलीले आन्दोलनमा सरकारले प्रदर्शनकारीलाई ताकीताकी गोली हान्न आदेश नदिएको बताएका हुन् ।
तर, प्रहरीसँग नभएका स्वचालित हतियारले गोली हानिएकोले घटनाको छानविन हुनुपर्ने ओलीले बताएका छन् ।
त्यस्तै, उनले जेनजी आन्दोलनका क्रममा भएको घटनाप्रति दुःख व्यक्त गरेका छन् भने मृत्युवरण गरेका युवाहरुप्रति श्रद्धाञ्जली व्यक्त गर्दै घाइतेहरुलाई स्वास्थ्यलाभको कामना गरेका छन् ।
