काठमाडौँ । लक्ष्मी सस्टेनेवल इनर्जी फण्डले निर्धारित १ अर्ब रकम संकलन गर्न सफल भएको छ । कोष प्रबर्द्धक लक्ष्मी सनराइज बैंक लिमिटेड तथा कोष व्यवस्थापक लक्ष्मी सनराइज क्यापिटल लिमिटेड रहेको उक्त फण्डले निर्धारित १ अर्ब रकम संकलन गर्न सफल भएको हो ।

यो फण्ड लक्ष्मी सनराइज क्यापिटल लिमिटेडद्वारा व्यवस्थित पहिलो प्राइभेट इक्विटी फण्ड हो । जलविद्युत, सौर्य, वायु उर्जा तथा अन्य क्षेत्रमा लगानी गरी नेपालको दिगो उर्जा क्षेत्रको विकासमा टेवा पुर्याउनु यस फण्डको मुख्य उद्देश्य भएको जनाईएको छ ।

फण्डको उद्देश्य पूर्तिमा निरन्तर समर्थन र विश्वसनियताका लागि क्यापिटलले लगानीकर्ताहरुलाई धन्यवाद दिएको छ ।