काठमाडौँ । जेनजी अर्थात नयाँ पुस्ताले भदौ २३ गते (सेम्टेम्बर ८)मा देशव्यापी आन्दोलनको घोषणा गरेका छन् । भ्रष्टाचार र समाजिक सञ्जाल प्रतिबन्धविरुद्ध जेनजी पुस्ताले आन्दोलनको घोषणा गरेका हुन् ।
उक्त आन्दोलन काठमाडौँको माइतीघर मण्डला र संसद् भवन अगाडि हुने बताइएको छ ।
जेनजी पुस्ताले उक्त आन्दोलनको आह्वान सामाजिक सञ्जालबाटै गरेका हुन् । हाल उक्त जेनजीको आन्दोलनलाई विभिन्न राजनीतिक दल, कलाकार तथा अभियान्ताहरुले समर्थन जनाएका छन् । आन्दोलनको नेतृत्व जेनजी पुस्ताले गर्नेछन् ।
जेनजी आन्दोलनको घोषणासँगै अहिले उक्त आन्दोलनलाई समर्थन गर्नेहरु बढेका छन् । यहीबीच विभिन्न राजनीतिक दलका नेता, कार्यकर्ता तथा अभियान्ताले जेनजीको आन्दोलनमा सहभागी हुने बताएका छन् । तर, जेननी पुस्ताले भने बुढा तथा जेनजी पुस्तामा नपर्नेहरुलाई आन्दोलनमा सहभागी हुन नदिने भनेका छन् ।
सामाजिक सञ्जालबाटै जेनजी पुस्ताले आन्दोलनमा २८ नाघेका पार्टीका नेता, कार्यकर्ता तथा अभियान्तालाई सहभागी हुन नदिने भन्दै सहभागी भए ‘नट अलाउड’को ब्यानर देखाइने घोषणा गरेका छन् ।
