काठमाडौँ। मुक्तिनाथ क्यापिटलको १६औं वार्षिक साधारणसभा सम्पन्न भएको छ। उक्त वार्षिक साधारणसभा असोज १० गते अरण्य बुटिक होटल, हात्तिसार, काठमाडौँमा क्यापिटलका अध्यक्ष समिर शेखर बज्राचार्यको अध्यक्षतामा सम्पन्न भएको हो ।
उक्त सभाले लेखापरिक्षकको प्रतिबेदन सहितको २०८२ आषाढ मसान्तको वासलात र सोहि मितिमा समाप्त आर्थिक वर्ष २०८१-८२ को नाफा नोक्सान हिसाब तथा नगद प्रबाह विवरण र सम्बन्धित अनुसूचीहरु छलफल गरी पारित गरेको छ।
सभाले क्यापिटलका सेयरधनीहरुलाई चुक्ता पूँजीको ९ प्रतिशतका दरले नगद लाभांश (कर सहित) वितरण गर्ने प्रस्ताव समेत पारित गरेको छ ।
उक्त साधारण सभाले आव २०८२-८३ को लेखापरिक्षण गर्नका लागि एनविएसएम एण्ड एसोसियट्स, चाटर्ड एकाउण्टेन्ट्सलाई लेखापरीक्षकमा नियुक्ति गरेको छ ।
