काठमाडौँ । नासा सेक्युरिटिज (ब्रोकर नम्बर ५८) ले प्रहरीलाई कम्प्युटर, प्रिन्टर लगायतका सामाग्री सहयोग गरेको छ । जेनजी आन्दोलनका क्रममा ध्वस्त भएको नेपाल प्रहरी दरबारमार्ग शाखालाई सामाग्री सहयोग गरेको हो । 

दैनिक प्रशासनिक काम सञ्चालनका लागि कम्प्युटर, प्रिन्टर, स्क्यानर, अफिस टेबल र कुर्सी प्रदान गरिएको नासा सेक्युरिटिजले जनाएको छ । 

नासा सेक्युरिटिजका अनुसार सामाजिक उत्तरदायित्व बहन गर्दै ‘वी स्ट्याण्ड टुगेदर’ भन्ने नारासहित प्रहरी कार्यालयलाई ३ वटा कम्प्युटर, ३ वटा प्रिन्टर तथा स्क्यानर, ३ वटा अफिस टेबल र ३ वटा कुर्सी सहयोगस्वरुप प्रदान गरिएको छ । 

सामाग्री हस्तान्तरण गर्दै प्रहरीले नासा सेक्युरिटिजलाई धन्यवाद दिएको छ । उक्त सहयोग सामाग्रीले प्रहरीको दैनिक प्रशासनिक काम सञ्चालन गर्न सहयोग पुग्ने विश्वास गरिएको छ ।