काठमाडौँ । काठमाडौँको गोङ्गबुबाट प्रहरीले करिब ४ करोड रुपैयाँ बरामद गरेको छ । उपत्यका प्रहरी कार्यालय रानिपोखरी र जिल्ला प्रहरी परिसर काठमाडौँबाट खटिएको टोलीले गोङ्गबुको एक घरबाट ३ करोड ७५ लाख नगद बरामद गरेको हो ।

उक्त रकमसहित प्रहरीले सोही घरका घरधनी ७७ वर्षीय विनोदकुमार श्रेष्ठलाई पनि पक्राउ गरेको छ  ।

सो रकमसहित प्रहरीले श्रेष्ठको घरबाट सुनका गहनाहरु पनि बरामद गरेको छ । सो रकम उनको घरमा कहाँबाट आयो ? के प्रयोजनका लागि राखियो ? भन्ने खुलाइएको छैन । सो रकमको स्रोतबारे थप अनुसन्धान भइरहेको प्रहरीले जनाएको छ ।

प्रहरीका अनुसार घरमै ठूलो मात्रामा पैसा राखेको भन्ने सूचना पाएपछि प्रहरीले श्रेष्ठको घरमा छापा मारेको थियो ।