काठमाडौँ । साताको कारोबारको अन्तिम दिन बिहिबार सेयर बजार मापक नेप्से परिसूचक घटेको छ । बिहिबार नेप्से परिसूचक २.३५ अंकले घटेर २६५२ बिन्दुमा पुगेको हो ।
नेप्सेमा कुल ३२७ कम्पनीको ७९ लाख ५३ हजार ७४० कित्ता सेयर खरिद बिक्री हुँदा रू. ३ अर्ब २६ करोडमाथिको सेयर कारोबार भएको छ । आज सबैभन्दा धेरै कारोबार नेपाल पुनर्बीमा कम्पनी लिमिटेडको भएको छ । यस कम्पनीको ३० करोड ९० लाख रुपैयाँ बराबरको कारोबार भएको छ ।
आजको बजारमा हिम स्टार कम्पनीका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्यमा पोजेटिभ सर्किट लागेको छ ।
यता, सिटि होटल लिमिटेडका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य ७ प्रतिशतभन्दा धेरैले घटेको छ ।
