काठमाडौँ । एनआईसी एशिया बैंकका ग्राहकहरुले माउन्टेन भिस्टा रिट्रिटमा छुट पाउने भएका छन् । बैंकका ग्राहकले माउन्टेन भिस्टा रिट्रिटमा सेवा लिँदा १० प्रतिशत छुट पाउने भएका हुन् ।
बैंकका ग्राहकलाई छुट प्रदान गर्ने विषयमा होटल र बैंकबीच सम्झौता भएको छ । सम्झौता अनुसार बैंकका ग्राहकहरुले नगरकोटमा रहेको माउन्टेन भिस्टा रिट्रिटमा सेवा लिई डिजिटल भुक्तानी गर्दा १० प्रतिशत छुट प्राप्त गर्न सक्नेछन् ।
बैंकका ग्राहकहरुले उक्त होटलमा कुनै पनि सेवा लिँदा उक्त छुट प्राप्त गर्न सक्ने होटलले जनाएको छ । सो सुविधाको उपयोग गर्न ग्राहक महानुभावहरुले बैंकको डेबिट कार्ड, क्रेडिट कार्ड वा प्रिपेड कार्ड प्रयोग गरी वा मोबैंक एप मार्फत भुक्तानी गर्नु पर्नेछ ।
उक्त होटलसँगको सहकार्यले ग्राहकहरुलाई छुट उपलब्ध हुनुको साथै मुलुकको डिजिटल भुक्तानी सेवालाई प्रबर्द्धन गरी नगद रहित कारोबारमा सहयोग पुग्ने बैंकले विश्वास लिएको छ ।
