काठमाडौँ । दशैँका लागि अग्रिम टिकट बुकिङ खोल्ने तयारी अघि बढाइएको छ । अग्रिम टिकट बुकिङ खोल्ने विषयमा आइतबार सरोकारवालाहरुबीच छलफल हुँदैछ ।
आइतबार यातायात मन्त्रालयमा यातायात व्यवसायी, ट्राफिक प्रहरी र सरोकारवालाहरुबीच छलफल हुनेछ ।
यसो त जेनजी आन्दोलनका कारण अनिश्चित बनेको यातायात सेवा पुनः सुचारु भएपछि अग्रिम टिकट बुकिङ खोल्ने विषयमा छलफल गर्न लागिएको बताइएको छ । सुरक्षाको प्रत्याभूति दिलाउन सके यातायात व्यवसायी पनि अग्रिम टिकट बुकिङ खोल्न तयार रहेको यातायात व्यवसायीहरुले बताएका छन् ।
