काठमाडौँ । राष्ट्रिय आविष्कार केन्द्रका संस्थापक डा. महावीर पुनलाई मन्त्री बन्ने अफर आएको छ । प्रधानमन्त्री सुशीला कार्कीले पुनलाई मन्त्री बन्न प्रस्ताव राखेकी हुन् ।

कार्कीले महावीर पुनलाई शिक्षा, विज्ञान तथा प्रविधि मन्त्री बन्न प्रस्ताव गरेको बुझिएको छ । तर, पुनले उक्त प्रस्तावको जवाफ भने दिएका छैनन् ।

तत्कालीन केपी शर्मा ओली नेतृत्वको सरकार ढलेपछि बनेको अन्तरिम चुनावी सरकारमा हाल तीन जना मात्र मन्त्री छन् ।