काठमाडौँ । एसवाई प्यानल नेपाल लिमिटेडले आइपिओ निष्कासन गर्ने अनुमति पाएको छ । नेपाल धितोपत्र बोर्डले कम्पनीलाई आइपिओ निष्कासन गर्ने अनुमति दिएको हो ।
कम्पनीलाई बोर्डले ५२ करोड ३२ लाख ५४ हजार ८ सय रुपैयाँ बराबरको ५२ लाख ३२ हजार ५ सय ४८ कित्ता सेयर निष्कासन गर्न अनुमति दिएको छ । यो कुल कम्पनीको जारी पुँजीको ४० प्रतिशत हो ।
कम्पनीको कुल पुँजी १ अर्ब ३० करोड ७१ लाख ३७ हजार १ सय रुपैयाँ रहेको छ । कम्पनीको आइपिओ निष्कासनका लागि बिक्री प्रबन्धक प्रभु क्यापिटल रहेको छ ।
