काठमाडौँ । नेपाल कम्युनिष्ट पार्टी (एमाले) को दोस्रो विधान महाधिवेशन सुरु भएको छ । ‘निर्णायक राष्ट्रिय शक्ति निर्माण हाम्रो सङ्कल्प, समृद्ध नेपाल सुखी नेपाली राष्ट्रिय गन्तव्य’ भन्ने मूल नारासहित महाधिवेशन सुरु भएको हो । पार्टी अध्यक्ष एवं प्रधानमन्त्री केपी शर्मा ओलीले शुक्रबार ललितपुरको सनराइज सभा हलमा महाधिवेशनको उद्घाटन गरेका हुन् ।
महाधिवेशनका नाममा सडक जामदेखि यत्रतत्र सवारी पार्किङ्ग गरेर सर्वसाधारणलाई दु:ख दिएको पाइएको छ । ललितपुरको गोदावरी मूल सडकदेखि सभा हल छिर्ने प्रवेशद्वारसम्म सडकमै सवारी साधन पार्क गरिएका छन् ।
महाधिवेशनमा दुई हजार २६ जना प्रतिनिधि र आयोजकका हैसियतमा ३१५ जना गरी कुल दुई हजार ३४१ जनाको सहभागिता रहेको एमाले प्रचार तथा प्रकाशन विभागले जनाएको छ । बाँकी तस्विरमा हेर्नुहोस्:
