काठमाडौँ । संसद विघटनविरुद्ध नेपाली काँग्रेस पनि अदालत जाने भएको छ । संसद विघटन असंवैधानिक भएको भन्दै काँग्रेस पनि सर्वोच्च अदालत जाने भएको हो । 

संसद् पुनर्स्थापना गर्नुपर्ने मागसहित नेपाली काँग्रेस पनि सर्वोच्च अदालत जाने तयारी गरेको काँग्रेसका एक नेताले बताएका छन् । 

यसअघि एमालेले पनि संसद विघटनविरुद्ध अदालत जाने तयारी गरेको थियो । हाल काँग्रेस पनि संसद विघटनविरुद्ध अदालत जाने तयारीमा लागेपछि एमाले र काँग्रेसपछि सो विषयमा आन्तरिक छलफल चलिरहेको काँग्रेसका ती नेताले बताएका छन् ।

दुवै पार्टीले अदालत जाने तयारी गरे पनि कुन दिन अदालत जाने भन्ने टुंगो लागेको छैन । सो विषयमा नेताहरुबीच छलफल चलिरहेको छ ।