काठमाडौँ । धितोपत्र बोर्डको सञ्चालकबाट अर्थ मन्त्रालयले आफ्नो प्रतिनिधि फेरेको छ । हाल अर्थ मन्त्रालयको प्रतिनिधित्व गर्दै बोर्डको सञ्चालक रहेका महेश बराललाई अर्थले फिर्ता बोलाएको हो ।
महेशलाई फिर्ता बोलाएसँगै अर्थ मन्त्रालयले बोर्डको सञ्चालकमा सिनियर सहसचिव उत्तर खत्रीलाई पठाएको छ ।
यसो त महेश बराल बोर्ड सञ्चालक बनेसँगै उनी सेयर लगानीकर्तामाझ विवादित बनेका थिए । उनीमाथि बिचौलिया पोस्नेगरी काम गरेको आरोप लागेको छ । सम्भवतः सोही कारणले उनलाई फिर्ता बोलाइएको विश्लेषण गरिएको छ ।
