काठमाडौँ । सरकारले राजनीतिक नियुक्ति पाएका राजदूतहरुलाई फिर्ता बोलाउने निर्णय गरेको छ । बिहीबार बसेको मन्त्रिपरिषद् बैठकले तत्कालीन सरकारको पालामा नियुक्त भएका राजदूतहरुलाई फिर्ता बोलाउने निर्णय गरेको हो । 

राजनीतिक नियुक्ति पाएका राजदूतलाई फिर्ता बोलाउने सरकारले निर्णय गरेको सरकारका प्रवक्ता एवम् सञ्चार तथा सूचना प्रविधि मन्त्री जगदिश खरेलले बताएका छन् । 

खरेलका अनुसार चीन, जर्मनी, इजरायल, कतार, रुस, साउदी अरब, स्पेन, बेलायत, अमेरिका र जापानका राजदूत फिर्ता बोलाउने निर्णय गरिएको छ । उनीहरुलाई कात्तिक २० गतेभित्र फर्किसक्न पनि निर्देशन दिइएको खरेलले बताएका छन् ।