काठमाडौँ । हिमालयन लाइफ इन्स्योरेन्सका प्रमुख कार्यकारी अधिकृत (सिइओ) मनोजकुमार लाल कर्णले राजीनामा दिएका छन् । 

बीमा अभिकर्ताको आन्दोलन चर्किँदै जाँदा माग सम्बोधन गर्न नसक्ने स्थिति बनेपछि उनले पदबाटै राजीनामा दिएका हुन् । 

यसो त कम्पनीका अभिकर्ताहरुले गत बुधबारदेखि सिइओको राजीनामा माग्दै आन्दोलन चर्काएका थिए । आन्दोलनरत अभिकर्ताकहरुले बीमितलाई भुक्तानी गरिने बोनसदर न्यूनतम ५० रुपैयाँ बनाउन माग गरेका थिए । 

तर, अभिकर्ताको माग सम्बोधन गर्ने स्थिति नबनेपछि र आन्दोलन थप चर्किन थालेपछी उनले पदबाटै राजीनामा दिएको कम्पनीका एक सञ्चालकले बताएका छन् ।