काठमाडौँ । विपद जोखिम नभएका जिल्लामा नियमित सेवा सुरु गर्न गृह मन्त्रालयले निर्देशन दिएको छ । आइतबार एक सूचना जारी गर्दै मन्त्रालयले बाढी/पहिरोबाट प्रभावित नभएका जिल्लामा नियमित कामकाज सुरु गर्न निर्देशन दिएको हो ।
प्रमुख जिल्ला अधिकारी (सिडिओ)लाई पठाइएको उक्त पत्रअनुसार विपद जोखिम नहुने जिल्लाहरुमा असोज २० गते (सोमबार) देखि नियमित सेवा सुरु हुनेछन् ।
तर, विपद जोखिम रहेका जिल्लाहरुमा भने सार्वजनिक बिदा लागू रहनेछ । यद्यपि जिल्लामा विपद जोखिमको अवस्था हेरेर प्रमुख जिल्ला अधिकारीले काम गर्ने/नगर्नेबारे निर्णय गर्नेछन् । विपद जोखिम रहेका जिल्लाहरुमा भने बिदा लागू हुनेछ ।
भारी वर्षाका कारण उच्च जोखिमको पूर्वानुमानपछि सरकारले असोज १९ र २० गते सार्वजनिक बिदा दिने निर्णय गरेको थियो ।
