काठमाडौँ । नेपाल विद्युत प्राधिकरणले उद्योगहरुलाई बक्यौता तिर्न कात्तिक २ गतेसम्मको समय दिएको छ । 

उर्जामन्त्री कुलमान घिसिङको निर्देशन अनुरुप नेपाल विद्युत प्राधिकरणले डेडिकेटेड तथा ट्रंक लाइनको बक्यौता तिर्न कात्तिक २ गतेसम्मको समय दिएको हो । सो अवधिमा बक्यौता नतिरे प्राधिकरणले उद्योगको लाइन काट्ने चेतावनी दिएको छ । 

कात्तिक २ गतेसम्म बक्यौता नतिर्ने उद्योगको लाइन काट्न निर्देशन दिइएको र सो बारेमा उद्योगहरुलाई पनि जानकारी दिइएको प्राधिकरणले जनाएको छ । तर, हालसम्म कुनै पनि उद्योग बक्यौता तिर्न नआएको प्राधिकरणले जनाएको छ । 

प्राधिकरणका अनुसार उद्योगहरुले कात्तिक २ गते राति १२ बजेसम्म बक्यौता तिर्न सक्नेछन् । तर, सो अवधिमा पनि बक्यौता नतिरे सबै उद्योगको लाइन काटिने प्राधिकरणले जनाएका छन् ।