काठमाडौँ । जेन-जी आन्दोलनका क्रममा काँग्रेस महामन्त्री गगन थापाको घरबाट फ्रिज र उफर चोर्ने व्यक्ति पक्राउ परेका छन् । प्रहरीले सिन्धुली घर भई हाल रातोपुल डेरा गरी बस्दै आएका ४० वर्षीय रमेश थामीलाई पक्राउ गरेको हो ।

थामीलाई प्रहरी वृत्त गौशालाबाट खटिएको टोलीले पक्राउ गरेको हो । उनको साथबाट गगन थापाको घरबाट चोरी भएको फ्रिज र उफरसमेत बरामद गरेको प्रहरीले जनाएको छ । 

जेन-जी आन्दोलनको क्रममा भदौ २४ गते शीर्ष नेताहरुको घरमा भएको तोडफोड र लुटपाटका क्रममा काँग्रेस महामन्त्री गगन थापाको घरबाट फ्रिज र उफर चोरी भएको थियो । सो दिनको सिसिटिभी फुटेज र प्राप्त भिडियोका आधारमा चोरीमा संलग्नलाई पक्राउ गरिएको प्रहरीले जनाएको छ ।