काठमाडौँ । छठपछिको पहिलो कारोबार दिन सेयर बजार मापक नेप्से परिसूचक बढेको छ । मंगलबार नेप्से परिसूचक ६२.२९ अंकले बढेर २५७१.३४ बिन्दुमा पुगेको हो ।

नेप्सेमा कुल ३ सय १४ कम्पनीको ९२ लाख ४३ हजार ७ सय २३ कित्ता सेयर खरिद बिक्री हुँदा ४ अर्ब ५७ करोडमाथिको सेयर कारोबार भएको छ । आज सबैभन्दा धेरै कारोबार हिमालयन पावर पार्टनरको भएको छ । यस कम्पनीको २४ करोड ९४ लाख ६० हजार ३ सय १७ रुपैयाँ ८० पैसा बराबरको कारोबार भएको छ ।

त्यस्तै, आजको बजारमा सबैभन्दा धेरै नाफा न्यादी हाइड्रोपावरका लगानीकर्ताले कमाएका छन् । यस कम्पनीको सेयर मूल्यमा पोजेटिभ सर्किट लागेको छ ।

यता, हिमालयन पावर पार्टनरका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य ६ प्रतिशतभन्दा धेरैले घटेको हो ।