काठमाडौँ । एमाले अध्यक्ष केपी शर्मा ओलीले गौरी बहादुर कार्कीको संयोजकत्वमा बनेको जाँचबुझ आयोगमा बयान दिन नजाने बताएका छन् । आइतबार पत्रकारसँग कुराकानी गर्दै ओलीले यस्तो बताएका हुन् ।

उनले आफू कुनै पनि आयोगले बोलाउँदैमा आफू लुरुलुरु बयान दिन नजाने भनेका छन् ।

भदौ २३ र २४ गते जेन-जी प्रदर्शनका क्रममा तत्कालीन सरकारले गरेको दमनका विषयमा छानबिन गर्न सुशीला कार्की नेतृत्वको अन्तरिम सरकारले जाँचबुझ आयोग गठन गरेको थियो । ओलीले उक्त आयोग मान्य नहुने यसअघि पनि बताएका थिए ।

यतिसम्म कि उनले उक्त आयोग एमालेले अस्वीकार गर्ने र आयोगको प्रतिवेदन पनि स्वीकार नगर्ने बताएका छन् ।