काठमाडौं । नेपाली काँग्रेसका युवा नेता बाबुराम आचार्यले ऊर्जामन्त्री कुलमान घिसिङ जेन-जीको कारवाहीको पहिलो निशानामा पर्ने दाबी गरेका छन् । उनले सामाजिक सञ्जाल फेसबुकमा लेख्दै कुलमान जेन-जीको कारवाहीमा पर्ने दाबी गरेका हुन् ।  

‘तीन-तीन वटा मन्त्रालय सम्हालेका कुलमान घिसिङ जेनजीको कारबाहीको पहिलो निशानामा पर्नुपर्छ र पर्नेछन् !’ आचार्यले लेखेका छन् । 

उनले कुलमान गुण्डागर्दी शैलीमा खुलेआम जेन-जी आन्दोलनको भावना विपरीत अगाडि बढेको समेत आरोप लगाएका छन् । त्यस्तै, नेता आचार्यले राजीनामा दिएर निर्वाचन प्रतिष्पर्धामा जाने बाटोमा उनी लाग्नु सरकारका लागि, देशका लागि, जनताका लागि, जेन-जी आन्दोलनका लागि, मात्र नभएर स्वयम् कुलमानकै लागि घातक हुने दाबी गरेका छन् ।

‘अहिलेका सबैमन्त्रीले राजीनामा दिएर निर्वाचन लडे भने के होला ? कुलमानको देखासिखी हुन्न भन्ने छ र ? सरकार के-का लागि बनेको भन्ने पनि त सोच्नुपर्ला नि ? राजीनामा नै दिने हो भने, प्रधानमन्त्रीबाट सुशीला कार्कीले दिने हो लण्ठै साफ !’’ उनले फेसबुकमा लेखेका छन् ।