काठमाडौँ । जेन-जी आन्दोलनमा उत्तरपुस्तिका जलेपछि प्राविधिक शिक्षा तथा व्यावसायिक तालिम परिषद् (सीटीईभीटी)ले होम सेन्टरमा पुन: परीक्षा सञ्चालन गर्ने निर्णय गरेको छ । गत भदौ २३ र २४ गतेको जेन-जी आन्दोलनमा सीटीइभीटीका १४ हजार ७ सय वटा उत्तरपुस्तिका जलेका थियो । सोहि जलेर नष्ट भएका उत्तरपुस्तिकाको पुन: परीक्षा होम सेन्टरमा हुने भएको हो ।

आन्दोलनका क्रममा कोशी प्रदेशका ५ वटा र बागमती प्रदेशका १८ वटा परीक्षा केन्द्रहरुको उत्तरपुस्तिका जलेका थिए । कोशीका पाँच केन्द्रको उत्तरपुस्तिका नियमिततर्फ १ हजार ९ सय ३७ र आंशिकतर्फ १ हजार सय ५० वटा उत्तरपुस्तिका जलेका थिए भने बागमती प्रदेशका १८ वटा केन्द्रका ११ हजार २ सय ३ वटा उत्तरपुस्तिका जलेका थिए ।

उत्तरपुस्तिका नै जलेर नष्ट भएपछि सिटिइभिटीले पुनः परीक्षा लिने तयारी गरेको हो । उक्त परीक्षा मङ्सिर ४ गतेबाट हुने सीटीईभीटीले जनाएको छ ।