काठमाडौँ । सोनापुर मिनरल एण्ड आयल लिमिटेडले नेपाल विद्युत प्राधिकरणलाई बिजुलीको बक्यौता तिर्न सुरु गरेको छ । कम्पनीले प्राधिकरणलाई पहिलो किस्ताबापतको रकम तिरेको हो ।
कम्पनीले प्राधिकरणलाई तिर्नुपर्ने बक्यौताको पहिलो किस्ताबापत ८६ लाख ३० हजार रुपैयाँ तिरेको विद्युत प्राधिकरणका अधिकारीले बताएका छन् ।
प्राधिकरणका अनुसार कम्पनीले डेडिकेटेड तथा ट्रंक लाइनबाट बिजुली प्रयोग गरेबापत २४ करोड २९ लाख ९९ हजार रुपैयाँ तिर्न बाँकी छ । त्यसमध्ये प्राधिकरणले दिएको २८ किस्ताको सुविधा अन्तर्गत कम्पनीले पहिलो किस्ता तिरेको हो ।
बिजुली बक्यौताको पहिलो किस्ता तिरेसँगै कम्पनीमा काटिएको लाइन पुनः जोडिएको विद्युत प्राधिकरणले जनाएको छ । प्राधिकरणले उद्योगमा कार्तिक ७ गते लाइन काटेको थियो ।
