काठमाडौँ । कुलमान घिसिङले खोल्ने भनिएको पार्टीको नाम ‘नेपाल जनसेवा पार्टी’ रहने लगभग निश्चित भएको छ । पार्टी गठनबारे भएको छलफलमा पार्टीको नाम लगभग टुंगो लागेको हो ।
केहीले पार्टीको नाम उज्यालो नेपाल राख्न सुझाए पनि उज्यालो नेपालको विकल्पमा नेपाल जनसेवा पार्टी राख्ने मत बढी आएपछि पार्टीको नाम नेपाल जनसेवा पार्टी रहने लगभग निश्चित भएको हो ।
सम्भवतः आज वा भोलिमा पार्टी निर्वाचन आयोगमा दर्ता गर्ने तयारी रहेको बताइएको छ । कुलमानको नेतृत्वमा खुल्ने भनिएको पार्टीलाई काठमाडौँ महानगरपालिकाका मेयर बालेन्द्र शाहको पनि समर्थन रहेको कुलमान निकट स्रोतले दाबी गरेको छ ।
