काठमाडौँ । साताको कारोबारको तेश्रो दिन मंगलबार सेयर बजार मापक नेप्से परिसूचक बढेको छ । मंगलबार नेप्से परिसूचक १५.७० अंकले बढेर २५६६.०७ बिन्दुमा पुगेको हो ।

नेप्सेमा कुल ३४५ कम्पनीको ९२ लाख ५५ हजार ४५७ कित्ता सेयर खरिद बिक्री हुँदा रू. ४ अर्ब १० करोडमाथिको सेयर कारोबार भएको छ । आज सबैभन्दा धेरै कारोबार साहस उर्जा लिमिटेडको भएको छ । यस कम्पनीको २२ करोड ९१ लाख रुपैयाँ बराबरको कारोबार भएको छ ।

आजको बजारमा सागर डिष्टिलरीका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्यमा पोजेटिभ सर्किट लागेको छ ।

यता, एभरेस्ट बैंक लिमिटेड डेबेञ्चर २०९१ का लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य ३ प्रतिशतभन्दा धेरैले घटेको छ ।