काठमाडौँ । साताको कारोबारको पहिलो दिन आइतबार सेयर बजार मापक नेप्से परिसूचक बढेको छ । आइतबार नेप्से ३९.९२ अंकले बढेर २६००.२२ बिन्दुमा पुगेको हो ।

नेप्सेमा कुल ३ सय ३४ कम्पनीको एक करोड ३३ लाख ८१ हजार ९ सय २६ कम्पनीको सेयर खरिद बिक्री हुँदा ६ अर्ब २८ करोडमाथिको सेयर कारोबार भएको छ ।  आज सबैभन्दा धेरै कारोबार एनआरएन इन्फ्रास्ट्रकचर एण्ड डेभलपमेन्टको भएको छ । यस कम्पनीको ६५ करोड ६० लाख ९१ हजार ९ सय २९ रुपैयाँ बराबरको कारोबार भएको छ ।

त्यस्तै, आइतबारको बजारमा सागर डिष्टिलरीका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्यमा पोजेटिभ सर्किट लागेको छ ।

यता, पिपुल्स हाइड्रोपावरका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य ७ प्रतिशतभन्दा धेरैले घटेको छ ।