काठमाडौँ । लोकसेवा आयोगले १ सय ७० जना कर्मचारी मागेको छ । आयोगले प्राविधिक र स्वास्थ्यतर्फ १ सय ७० जना कर्मचारी मागेको हो ।
गोरखापत्रमा सूचना प्रकाशित गर्दै आयोगले निजामतितर्फ प्राविधिकको राजपत्रांकित तृतीय श्रेणी र स्वास्थ्य सेवाका आठौँ र सातौँ तहका पदहरुका लागि आवेदन मागेको छ ।
आयोगले आह्वान गरेको पदका लागि मंसिर १६ गतेसम्म आवेदन दिन सकिनेछ । दोब्बर दस्तुर तिरेर मंसिर २३ गतेसम्म आवेदन दिन सकिने आयोगले जनाएको छ । आयोगका अनुसार आवेदन फारम आयोगको अनलाइन दरखास्त प्रणालीमार्फत विद्युतीय माध्यमबाट भर्न सकिन्छ ।
आवेदनको दस्तुर प्रत्येक विज्ञापनका लागि १ हजार २ सय र एकै पदका लागि समावेशीतर्फका थप विज्ञापनमा आवेदन दिन प्रत्येकका लागि ४ सय रुपैयाँ तोकिएको छ ।
